Irving Ioannes Good
Irving Ioannes GoodObitus: 5 Aprilis 2009; Radford
Patria: Britanniarum Regnum
Nomen nativum: Isidore Jacob Gudak
Officium
Patronus: Bletchley Park, Praesidium Communicationis Gubernativum, Virginia Tech
Memoria
Irving Ioannes Good, saepe I. J. Good[1] (9 Decembris 1916–5 Aprilis 2009), fuit mathematicus Britannicus, qui operam cryptographiae apud Bletchley Park dedit.
Londinii natus est, parentibus Iudaeis. Mathematicam apud Collegium Iesu Cantabrigiae legit, et gradum anno 1938 recepit. Investigationibus sub G. H. Hardy et Abraham Bezikovič facta et doctoratu ablato, ad Bletchley Park anno 1941 remigravit. Bello gesto, professor apud Universitatem Mancuniensem meruit, breviter socius Collegii Trinitatis apud Oxonienses, sed mox professor Instituti Polytechnici Virginiani.
Anno 1965, Good significatione vocis Singularitatis Technologicae similem proposuit notionem quae disserit multa de intelligentia superhumana:
Definiatur machina ultraintellegens "machina quae omnes agitationes mentis ullius hominis quoquomodo callidi longe excedere potest." Quia designatio machinarum est una ex his agitationibus mentis, machina ultraintellegens machinas etiam meliores designare posset; facile fuerit ergo "diruptio intellegentiae," et intellegentia hominis procul relinqueretur. Ergo prima machina ultraintellegens est ultimum inventum quod homini umquam facere necesse est.[2][3]
In commentario anni 1988 in Statistical Science edito, Good interfaciem inter philosophiam scientiae et statisticos disserit.
Nexus interni
Notae[recensere | fontem recensere]
- ↑ Vulgo communiter Jack Good, sed nomine nativo Isadore Jacob Gudak.
- ↑ Anglice: "Let an ultraintelligent machine be defined as a machine that can far surpass all the intellectual activities of any man however clever. Since the design of machines is one of these intellectual activities, an ultraintelligent machine could design even better machines; there would then unquestionably be an 'intelligence explosion,' and the intelligence of man would be left far behind. Thus the first ultraintelligent machine is the last invention that man need ever make."
- ↑ I. J. Good, "Speculations Concerning the First Ultraintelligent Machine" (HTML), Advances in Computers 6 (1965).
Bibliographia[recensere | fontem recensere]
- "Passings," Los Angeles Times, 13 Aprilis 2009
- "Professor Jack Good: mathematician and wartime codebreaker," The Times, 16 Aprilis 2009
