Papa FranciscusVerified account

Singulis annis innumerae species plantarum et animalium, quas neque cognoscere amplius poterimus neque filii nostri conspicere. Nostra culpa, exsistentia sua Deum non magnificabunt. Nullum est nobis ius. #Biodiversitas #Lauderis5

Iesus, ante, dixit suis se missurum eis esse Spiritum, Paraclitum. Commisit ita Spiritui opus ipsum apostolicum Ecclesiae, in aeternum, usque ad reditum suum. #Ascensio

Vita haec est donum a Deo traditum et nimis brevis est, quae in aegritudine exigatur. Deum laudemus, eo utique contenti quod sumus. Magni Regis sumus filii, qui eius vestigia in rerum natura legere valemus. #LaudatoSi5

Si negotia vitae, omnibus cum aegritudinibus suis, donum #orationis in nobis aliquando opprimere potest, caeli stellantis contemplatio sufficit vel solis occasus vel floris ad gratiarum actionis exstinctam redintegrandam favillam. #AudientiaGeneralis

Persona humana eo magis crescit, maturat et sanctificatur quo plus necessitudinis conflat, cum exit de seipsa ut vivat in communione cum Deo, cum ceteris cunctisque creaturis. #LaudatoSi5

Cum illud cognitum est Deum ex omnibus quae sunt referri, desiderium experitur cor per omnes creaturas et una cum iis Dominum adorandi. #LaudatoSi5

Si coram Domino tamquam crystallum translucemus, lux eius, lux scilicet misericordiae, fulget in nobis et per nos in mundo.

Omnes cooperari possumus veluti instrumenta Dei ad curandam creationem, unusquisque propria cultura et peritia, propriis inceptis et facultatibus. #LaudatoSi5

Abhinc saeculum visitavit Dominus populum suum. Pastorem misit. #SanctusIoannesPaulusII Pastor noster fuit in oratione, in proximitate populo, in dilectione iustitiae, quae semper comitatur misericordiam.

Dialogi instaurationem efflagito urgenter de modo quo futurum orbem exstruimus. Sermonis egemus vicissitudine, quo omnes coniungamur, quia hodiernum rerum naturae periculum quod experimur suaeque humanae radices ad nos pertinent et nos omnes attingunt. #Lauderis5

Vivimus hodie societatem quasi orbitatis sensu affectam, quae ad communicationem et fraternitatem pertinet, ob privationem Patris. A Spiritu Sancto eposcamus gratiam Patris reperiendi, Patris qui sensum dat universae vitae et efficit ut humanum genus una sit familia.

#OremusOmnes hodie pro illis qui valetudinaria viasque emundant gli ospedali, qui exceptoria purgamentorum vacuant, qui domus appetunt ad purgamenta ad iactus tollendos: labor est a nullo inspectus, sed pernecessarius vitae. Benedicat eos Dominus.

Quid spiritus mundi, de quo loquitur Iesus (Io 15, 18-21)? Est modus vivendi, cultus vanitatum nesciens fidelitatem. Exposcamus a Spiritu Sancto gratiam discernendi quid sit mundanitas et quid Evangelium. #HomiliaSanctaeMarthae

Oremus hodie pro illis qui de sepeliendis defunctis in hac pestilentia adhibent curam, periclitantes quoque propter contagionem. Defunctos sepelire unum est ex operibus misericordiae. #OremusOmnes

Coram gravissimis eventibus, quibus annus 2020 enotatur, nuntium hunc mitto de Die Migrantium et Profugorum, intraneis advenis dicato atque iis qui precario vivunt et exclusionem experiuntur propter virus coronarium.

Perfecta sequela Iesu haud sibi vult rigorem, qui ad turbationem ducit, sed evangelicae libertatis spiritum, quae ad laetitiam. #HomiliaSanctaeMarthae

Dies mundialis est hodie #familiae: oremus pro familiis, ut in ipsis crescat Domini Spiritus, amor, observantia, libertas. #OremusOmnes