Isaac

Ord Wikipedia
Jump to navigation Jump to search
Write.svg Questa pagina è scritta en puter.
purtet da Michelangelo Caravaggio l'offerta d'Isaac

Isaac es üna figüra biblica e vain considero insembel cun sieu bap Abraham e sieu figl Jacob scu ün dals trais archbaps respectivmaing patriarcs dal pövel Israel. Il prüm cudesch da Mose (Genesis) raquinta d'Isaac traunter ils chapitel 17–35.

Vita[modifitgar | modifitgar il code]

Aviand otg dis vain Isaac circumcis per appartgnair al pövel elet da Dieu.

Isaac d'eira marido cun Rebecca chi l'ho parturieu duos figls, ils dschimels Esau ed Jacob.

Tres ün rampign gratagia a Jacob da survgnir da sieu bap Isaac chi'd es intaunt orv e giascha sül let da murir, la benedicziun chi d'eira previsa pel prümgenuieu Esau.

Il liam d'Isaac[modifitgar | modifitgar il code]

Il raquint il pü dramatic chi tratta d'Isaac es quel da l'offerta d'Isaac respectivmaing e pü precis dal liam d'Isaac:

Abraham vain tento da Dieu in möd ch'el artschaiva il cumand divin da mazzer a sieu figl Isaac, sün il quêl la benedicziun pel avegnir d'Israel posa e chi'd es dimena il purteder da la spraunza, scu offerta vers Dieu. Abraham obedischa, ma immediatamaing aunz ch'Abraham offrischa ad Issac, intervain ün aungel e preschainta ün buoch chi rimplazza al sacrifizi umaun.

Colliaziuns[modifitgar | modifitgar il code]