Vista islamic de Jesus

Vista islamic de Jesus
instantia de: rasul[*], prophet of Islam[*], Quranic character[*], Q15845855[*], Mukarrabun[*], Ulu'l azm prophets[*]
Commons: Jesus in Islam

Islam condivide un certe numero de credentias con le Christianismo. Ambes condivide ideas similar sur le monotheismo, le judicamento final, le Celos, le inferno, le spiritos, le angelos, e un futur resurrection del mortos. Jesus Christo es recognoscite e respectate per le musulmanos como un grande propheta, sin dubita le sol propheta que esseva exempte de peccato, e on face referentias a ille como le messia e le Spirito de Deo. Ambe religiones crede alsi que Christo es proxime a Deo - "In le compania del plus proxime a Allah" in le Koran, metaphoricamente exprimite in le Biblia como "sedente al dextera de Deo".

Ambe religiones condivide le fide in le nascentia virginal de Jesus Christo, su miraculos e resanamentos, e que ille ascendeva al Celos. Nonobstante isto, le musulmanos non accepta que Jesus se appella Filio de Deo (excepte in le senso de alicuno amate per Deo), durante que illes crede solmente in Deo come un entitate singule, non como dice le conception christian del Trinitate. Le islamitas non accepta le crucifixion de Christo. Durante que le islamitas crede solmente in le adoration de un Deo strictemente monotheista, illes non accepta le uso de iconas, e los considera un idolatria. Pro le mesme rationes, illes non adora ni preca le propheta Mahomet, fundator de Islam.